एकता बचत तथा ऋण सहकारी संस्थाको २५औँ साधारण सभा सम्पन्न

भक्तपुर । एकता बचत तथा ऋण सहकारी संस्था मध्यपुर थिमीको २५औँ वार्षिक साधारण सभा शेयर सदस्यहरुको उपस्थितीमा शनिबार सम्पन्न भएको छ । साधारण सभाको कार्यक्रम मिति २०८३ साल पुष २६ गते हवाइट पार्टी प्यालेस, कौशलटारमा आयोजना गरिएको थियो । सभामा संस्थाको वार्षिक प्रतिबेदन, आर्थिक विवरण तथा भावी कार्ययोजना माथि छलफल गरिएको थियो । साथै आगामी ४ बर्षका लागि नयाँ कार्यसमिति गठन, जेष्ठ सदस्य सम्मान र उत्कृष्ठ बचत तथा कर्जा तर्फका सदस्यहरु सम्मान गरिएको थियो ।
साधारण सभाका प्रमुख अतिथि संस्थाका पूर्व अध्यक्ष जगत बहादुर श्रेष्ठ रहनुभएको थियो । त्यसैगरि कार्यक्रमका अन्य अतिथिमा संस्थाका निवर्तमान अध्यक्ष उमानाथ लम्साल “उमेश”, निर्वाचन उपसमितीका संयोजक झम्क प्रसाद तिमल्सिना,सदस्य शिवहरि खनाल लगायत हुनुहुन्थ्यो । साधारण सभाको कार्यक्रम संस्थाका अध्यक्ष माधव प्रसाद ढकालको अध्यक्षतामा भएको थियो । साधारण सभाका प्रमुख अतिथि संस्थाका पूर्व अध्यक्ष जगत बहादुर श्रेष्ठले सहकारीलाइ  पारदर्शी र सदस्यको विश्वासमा आधारित बनाएर अघि बढाउनुपर्नेमा जोड दिनुभयो । उहाँले एकता सहकारीको इतिहासलाइ स्मरण गर्दै संस्थाको कारोवार बिस्तार देखि भवन निर्माण सम्मको प्रशंसा गर्दै सम्बद्ध सबैलाई धन्यवाद ज्ञापन गर्नुभयो । अर्का अतिथि निवर्तमान अध्यक्ष उमानाथ लम्साल “उमेश” ले साधारण सभा सब्य एबम भब्य रुपमा सम्पन्न गराएकोमा धन्यबाद दिनुभयो । यद्यपी सहकारी प्रति सदस्यहरुको कमचासो रहने गरेकोमा भने चिन्ता ब्यक्त गर्नु भयो । उहाले सदस्य्हरुको आर्थिक गतिविधिलाई सस्थासंग जोडेर लाग्नुपर्ने बताउनु भयो । सहकारी क्षेत्रप्रति बढ्दो चुनौतीबीच संस्थागत सुशासननै दीर्घकालीन सफलताको आधार हुने धारणा व्यक्त गर्नुभयो । त्यसै गरि पूर्व अध्यक्ष ठमनाथ ढकालको पनि शुभकामना सन्देश बाचन गरिेयो । शेयर सदस्यको तर्फबाट शान्तप्रसाद तिमल्सिनाले साधारण सभाको सफलताको शुभकामना दिनुभयो । उहाले सहकारी क्षेत्र संक्रमणकालिन अबस्थाबाट गुज्रिरहेको अबस्थामा पनि एकता साकोसको धेरै आलोचनाका बिषयहरु नभएको मंन्तब्य दिनुभयो । आगामी कार्यकालको लागि सक्षम संचालक समिति चयन होस भन्ने कामना पनि गर्नु भयो ।
साधारण सभामा अध्यक्ष माधव प्रसाद ढकालले बार्षिक प्रतिबेदन प्रस्तुत गर्नभयो । संस्थामा २०८२ आषाढ  मसान्त सम्म जम्मा १४५७ शेयर सदस्य रहेको, संस्थाको शेयर पुजी ४६०३६१००, निक्षेप तर्फ २६४१०२९७८ र ऋण लगानी ३२९४४२१०६ रहेको जानकारी दिनुभयो । यसैगरि लक्ष्मीलाल श्रेष्ठले सस्थाको कोषाध्यक्षको  तर्फबाट प्रतिबेदन पेश गर्नुभयो । उहाले  २०८२ आषाढ  मसान्त सम्म संस्थाको कुल कोरोबार ३९४५१०९९६ रहेको र संस्थाको यो बर्षको नाफा ३१४०५२१ रहेको जानकारी गराउनु भयो । संस्थाको लेखा सुपरिबेक्षण समितिकी संयोजक सम्झना देवी रेग्मी पन्तले पनि  प्रतिबेदन पेश गनुभएको थियो । साधारण सभामा संस्थाको वार्षिक प्रतिवेदन, लेखा परीक्षण प्रतिवेदन तथा आगामी कार्ययोजना सर्वसम्मत रूपमा पारित गरिएको आयोजकले जनाएका छन । कार्यक्रमको संचालन संस्थाका सचिव लयप्रसाद भट्टराईले गर्नुभएको थियो ।
संचालक समितिले आगामी कार्यकालको लागि नया कार्यसमिति निर्वाचित गर्नका लागि झम्कप्रसाद तिमल्सिना संयोजक, शिबहरि खनाल र युबराज श्रेष्ठ सदस्य रहने गरि निर्वाचन उपसमिति गठन गरेको थियो । निर्वाचन समितीले माधव प्रसाद ढकालको अध्यक्षतामा ९ सदस्यीय नयाँ सञ्चालक समिति सर्बसम्मत निर्वाचित गरेको छ । उपाध्यक्षमा लयप्रसाद भट्टराई ,सचिब लक्ष्मीलाल श्रेष्ठ, कोषाध्यक्ष राजकुमार श्रेष्ठ,सदस्यहरुमा रेणु शर्मा पनेरु, जान्नवी कुमारी खनाल, बलदेव गौतम,सम्झना देवी रेग्मी पन्त र सुदर्शन प्रसाद उपाध्याय रहेका छन । त्यसैगरि शिव प्रसाद उप्रेतीको संयोजकत्वमा ३ सदस्यीय लेखा सुपरिवेक्षण समिति पनि निर्वाचित गरेको छ । सदस्यहरुमा सविता श्रेष्ठ र तोर्ण बहादुर श्रेष्ठ छन । नवनिर्वाचित संचालक समितिलाइ निर्वतमान उपाध्यक्ष जानुका देवी भट्टराइले बधाई तथा शुभकामना दिनुभयो । संस्थाका नवनिर्वाचित अध्यक्षले प्रतिबद्धता मन्तब्य राख्नुभयो । निर्वाचन कार्यक्रमको संचालन समिति सदस्य शिबहरि खनालले गर्नुभएको थियो ।
साधारण सभामा सहभागी सदस्यहरुले सहकारीलाई सदस्य केन्द्रित, जिम्मेवार र सामाजिक उत्तरदायित्व बहन गर्ने संस्थाका रूपमा विकास गर्नुपर्नेमा जोड दिएका थिए । २५ वर्षको यात्रा पूरा गरेको अवसरमा संस्थाले समुदायस्तरमा वित्तीय पहुँच विस्तार र आत्मनिर्भरता प्रवद्र्धनमा खेलेको भूमिकाको समेत समीक्षा र प्रशंसा गरिएको थियो ।