जेनजी आन्दोलनका क्रममा देशभर २ हजार ७९ वटा भवनमा आगजनी, ५१९ वटा पूर्ण रूपमा जलेर ध्वस्त

जनसंकेत डटकम 2025-09-20
img

काठमाडौं — जेनजी आन्दोलनका क्रममा देशभर आगजनीका घटनाबाट २ हजार ७९ वटा सरकारी, आवासीय तथा व्यापारिक भवनहरूमा क्षति पुगेको छ। प्रहरी प्रधान कार्यालयका अनुसार तीमध्ये ५१९ वटा भवन पूर्ण रूपमा जलेर ध्वस्त भएका छन् भने १ हजार ५६० भवनमा आंशिक क्षति पुगेको छ।

प्रहरी मातहतका १९७ वटा कार्यालय पूर्ण रूपमा जलेका छन् भने २५८ वटा कार्यालय आंशिक रूपमा क्षतिग्रस्त छन्। साथै २१० वटा सरकारी भवन पूर्ण रूपमा नष्ट भएका छन् भने ८३६ वटा भवनमा आंशिक क्षति पुगेको छ। त्यसैगरी, ४५ वटा पार्टी कार्यालय पूर्ण रूपमा जलेका छन् र १७४ वटा कार्यालयमा आंशिक क्षति भएको छ।

आवासीय तथा व्यापारिक क्षेत्रमा समेत ठूलो क्षति भएको छ। कुल ९७ वटा आवासीय तथा व्यापारिक भवन पूर्ण रूपमा जलेर नष्ट भएका छन् भने २९२ भवनमा आंशिक क्षति पुगेको जनाइएको छ ।

Related Post

janasanket

Advertisement