लस एन्जलस टाइम्सको दाबी- आगो फैलिनुअघि उपलब्ध दमकल र जनशक्ति परिचालन गरिएन

जनसंकेत डटकम 2025-01-15
img

अमेरिकाको लस एन्जलसमा लागेको आगो अझै नियन्त्रणमा आउन सकेको छैन । लस एन्जलस टाइम्सको रिपोर्टअनुसार आगो अझै फैलिने क्रम रोकिएको छैन । 

लस एन्जलस टाइम्सको रिपोर्ट अनुसार जनवरी ७ मा पालिसेड्स आगलागी अघि हावा तीव्र रूपमा चल्न थालेको थियो । तर, लस एन्जलस दमकल विभाग (LAFD)ले उपलब्ध करिब एक हजार दमकलकर्मीहरू र दर्जनौं दमकल अग्रिम रूपमा तैनाथ गरेन। 

रिपोर्टमा दाबी गरिएअनुसार आगलागी नियन्त्रणभन्दा बाहिर जानुअघि दमकल विभागले उपलब्ध ४० भन्दा बढी पानी ओसार्ने इन्जिनमध्ये केवल पाँच मात्रै तैनाथ गरेको थियो । त्यस्तै, अग्नि नियन्त्रण अधिकारीहरूले दोस्रो शिफ्टमा काम गर्न दमकलकर्मीहरूलाई आदेश नदिएको दाबी गरिएको छ, जसले जनशक्तिको संख्या दोब्बर गर्न सक्थ्यो।​एलएएफडीका प्रमुख क्रिस्टिन क्राउलीले लस एन्जलस टाइम्सलाई दिएको वक्तव्यमा यो प्रतिक्रिया बचाउ गरेका छन् । उनले सीमित स्रोतसाधनको साथ रणनीतिक निर्णय लिनुपरेको दाबी गरेका छन् । 

 

Related Post

janasanket

Advertisement