हिमालयन किड्समा बालबालिकाले मनाए कुमारी जात्रा, संस्कृतिसँग जोडिँदै नयाँ पुस्ता
सत्ता केन्द्रित हुँदा कम्युनिस्ट आन्दोलन रक्षात्मक बन्यो : प्रचण्ड
अपराधी जुनसुकै बेला कानुनी दायरामा आउँछन् : महानिरीक्षक कार्की
दलहरूको चुनावी घोषणापत्र र जनसरोकार : प्रतिबद्धता कि औपचारिकता ? शिबहरि खनाल
काठमाडौंको वायु प्रदूषणले पार गर्यो अस्वस्थताको तह
ताप्लेजुङमा ४ म्याग्निच्युडको भूकम्प
सर्वोच्च अदालतले भन्यो- इम्बोस्ड नम्बर प्लेटमा अंग्रेजी लिपि अनिवार्य नगर्नू
प्रतिनिधिसभा सदस्य निर्वाचन : एक करोड ३७ लाख ९१ हजार मतपत्र छापिए
भक्तपुर । भक्तपुरको लोकन्थलीस्थित हिमालयन किड्समा बालबालिकालाई नेपाली कला, संस्कृति, परम्परा र मौलिक पहिचानसँग नजिक गराउने उद्देश्यले कुमारी जात्रासहित विभिन्न सांस्कृतिक कार्यक्रम आयोजना गरिएको छ।
विद्यालय परिसरमा आयोजित कार्यक्रममा बालबालिकाले नेपाली संस्कृतिसँग सम्बन्धित विभिन्न गतिविधिमा उत्साहपूर्वक सहभागिता जनाएका थिए। परम्परागत पोशाक, बाजागाजा तथा सांस्कृतिक प्रस्तुतिमार्फत बालबालिकालाई आफ्ना मौलिक परम्परा र संस्कृतिबारे प्रत्यक्ष अनुभव गराउने प्रयास गरिएको विद्यालयले जनाएको छ।
विद्यालयले संस्कृतिसम्बन्धी कार्यक्रमलाई मनोरञ्जनका लागि मात्र नभई बालबालिकाको व्यवहारिक सिकाइको माध्यमका रूपमा अघि बढाउँदै आएको छ। पुस्तकमा पढेका विषयलाई प्रत्यक्ष रूपमा हेर्ने, सुन्ने र सहभागी भएर अनुभव गर्ने अवसरले बालबालिकाको सिकाइलाई अझ प्रभावकारी बनाउने विद्यालयको भनाइ छ।
सानै उमेरमा बालबालिकाले प्राप्त गरेका अनुभव उनीहरूको स्मृति र व्यक्तित्व निर्माणमा लामो समयसम्म प्रभाव पार्ने भएकाले संस्कृति र परम्परासँग जोडिएका गतिविधिलाई विद्यालयले प्राथमिकता दिएको हो। बालबालिकालाई आफ्नै समुदायको जात्रा, संस्कार र परम्परासँग परिचित गराउँदै त्यसप्रति सम्मान र अपनत्वको भावना विकास गराउनु कार्यक्रमको मुख्य उद्देश्य रहेको विद्यालयले जनाएको छ।
विद्यालयकी प्रधानाध्यापक ममता शाहले शिक्षा पाठ्यपुस्तक र कक्षाकोठाभित्र मात्र सीमित नहुने बताइन्। उनका अनुसार बालबालिकाको समग्र विकासका लागि शिक्षा, संस्कार, संस्कृति र मौलिक पहिचानबीचको सम्बन्ध बुझाउन आवश्यक छ।
“हाम्रा नानीबाबुले किताबबाट मात्र होइन, आफ्नै आँखाले हेरेर, आफैँ सहभागी भएर र अनुभव गरेर संस्कृति सिकून् भन्ने हाम्रो उद्देश्य हो,” प्रधानाध्यापक शाहले भनिन्।
उनले बाल्यकालमा प्राप्त हुने यस्ता अनुभवले बालबालिकामा आफ्नो संस्कृति र पहिचानप्रति सकारात्मक भावना विकास गर्ने विश्वास व्यक्त गरिन्। “आधुनिक शिक्षासँगै आफ्ना मौलिक संस्कार र परम्पराप्रति सम्मान गर्ने पुस्ता निर्माण गर्नु हाम्रो जिम्मेवारी हो,” उनले भनिन्।
विद्यालयका अनुसार यस्ता कार्यक्रममार्फत बालबालिकालाई आफ्नो संस्कृति जोगाउने जिम्मेवारीबारे प्रारम्भिक तहबाटै सचेत गराउन सकिन्छ। साथै, विभिन्न सांस्कृतिक गतिविधिमा सहभागी हुँदा उनीहरूमा सहकार्य, अनुशासन, सामाजिक सहभागिता र आफ्नोपनको भावना पनि विकास हुने विद्यालयको अपेक्षा छ।
हिमालयन किड्सले आगामी दिनमा पनि बालबालिकालाई नेपाली संस्कृति र परम्परासँग प्रत्यक्ष रूपमा जोड्ने खालका सिर्जनात्मक तथा अनुभवमा आधारित कार्यक्रमलाई निरन्तरता दिने जनाएको छ।
आफ्नो संस्कृति चिन्ने, त्यसलाई सम्मान गर्ने र भावी पुस्तासम्म हस्तान्तरण गर्ने संस्कार बाल्यकालदेखि नै विकास गर्नुपर्छ भन्ने सन्देशसहित कार्यक्रम सम्पन्न भएको विद्यालयले जनाएको छ।